يااااارب كلمات الشاعر مجاهد المصري
..............
يارب احنا غلابة
و محتاجين لرضاك
ماشين على ارضك
متظللين بسماك
رافعين ايدينا يارب
متضرعين لبهاك
ارسل علينا يارب
فيضاً من ثناك
يارب احنا عبادك
وطمعانين في لقاك
طالبين شفاعة النبي
ولا حد لينا سواك
ياااارب
ظهر الفساد ياارب
وكله بإدينا
رفعت ليك مطلبي
يارب نجينا
كله بإرادتك يارب
وقدرتك فينا
قفلوا المساجد يارب
والصلاة في رحالنا
ظهر الوباء يارب
وكله بأعمالنا
يارب انت القدير
أصلح بقا حالنا
ياااارب
.......................
الشاعر /مجاهد المصرى
عاشق البنفسج
Commentaires
Enregistrer un commentaire