على رأس أجبل كلمات الشاعر الناصر العربي

على رأس اجبل ارميت عيني
واش لهلال بان ما بان والو  
والوقت عل لقمر هاذي شحال
 ملي ودعنا بكمالو
ظلم اضلام علينا هام
ما بقا حد اشوف خيالو
 تهنا عل بير البر 
والفجر مابقا حد يتوضالو
كفاتنا التيموم 
وجه القبلة ضعنالو
الجايحة فضحت لبهوت
 صنام الآنا ركعنالو
انسببو فذوك لعزاز من  لخوت
االمهجر ولا معيور بلحقد سبحنالو
ركبنا لهوى ف مربط الريح
على طبول الجايحة اشطحنالو
الخير من المهجرمبحاح يلغا
ؤشرنا إقول اسمعنالو  
الحب راه قلب إخرج المطمور
من البصيرة تعرف سلامو
ماشي نيف القطران 
إضياع ريحت لحبيب لوصالو
ياك الهيجرة سنة ؤ فرض
من قديم السند والهند جبنا خبارو
على بلادنا نهربو من المحال
طبعنا فترابنا مدفون ال يوم وصالو
مللي وللا القطران عنبر ؤ مسك
محال حالنا إعود ال حالو

العربي الناصري