فاصل كوميدي كلمات الشاعر الزجال محمد ابو الحسن
ألاعيب الشاة
بقلم محمد ابوالحسن
،،،،،،،،،،،،،،،،،،،،،
يااخواتى حد يكلمنى ويقوللى آلووه
الوحده صعبه هتقتلنى
ياناس ياهووه
سماعتى نايمه مابترنش
والكل ليه عنى مطنش
ياخلق هوووه
ياله ياحلوين
ياله ياشاطرين
أنا ساكته أهوه
أول رنه هتوصلنى
هيبقى صاحبها مقدرنى وأعملوا شابوه
وان حب تانى يكلمنى
عجبته وجاى يسأل عنى
هبعتله جاتوه
وتالت مره يكلمنى
ويقوللى جت غصب عنى
هقوله حاول تفهمنى
دانت الوحيد
إللى شغلنى
مليون أيووه
ورابع مره كلمنى هدانى شويه وطمنى
وقاللى كلام حلو عجبنى
يااخواتى ياهووووه
خامس مره انا كلمته
ماعدش فى بالى غير سيرته
حكالى عنه وحكيتله
لافُضَ فُوه
سادس مره رن عليا
قاللى ياغاليه يانورعينيا
مش قادر على بعدك ثانيه
عاوز اشوفك وحشانى
ودا اسمى وكمان عنوانى
ياولاد هاتوووه
آخر مره كلمنى
عيطلى وقالى إنه ظلمنى
وكذب عليا وخدعنى
وقاللى ضميرى بيوجعنى
تعبان وبتووه
قلت إهدى شويه واسمعنى
قلبى تعبان وبيوجعنى
وكلامك هو اللى فزعنى
أتكلم قول
انا ساكته أهووه
قاللى معلهش ياأخت سماح
بصراحه انا أختك انشراح
إنسى اللى كان بينا وراح
وأشوفك يااختى فى الافراح.
باي باي وكدووووه
ياخواتى هاتوها من ضفايرها
عاوزه اعرف مين إللى حايلها
غيثونى ياهووووووه
محمدابوالحسن
Commentaires
Enregistrer un commentaire