الحب في زمن كلمات الشاعر محمد أبو الحسن
الحب فى زمن الكورونا
بقلم محمدابوالحسن
،،،،،،،،،،،،،،،،،،،،،،،،
حبيبى محتاجه ليك
وبشتاقلك
وعاوزه أشوفك
لاالبُعد ينسينى شكلك
وقلقانه عليك
وعلى لِبسك وأكلك
طمنى عليك واحكيلى
زى عوايَدك
حبيبتى أنا كمان
بِحق مين سِمعِك
عاوزأشوفك ومشتاقلك
والبعد عنك مرار
وماليش غِنَى عنك
لكن مش بإيدى
داغصبٍ عنى وعنك
بينى وبينك عزُول إسمه
كورونا عمال بيتفزلٍك
بعدَنا عن بعضنا
وشدِّنا من ظهرِنا بأستِك
وزنقنا فى حَجر صحى
ولَبِّسنافى إيدينا وبُقِنا
حاجات كلها بلاستيك
بعد ماكنت بمشِى
مِتنشٍّى ومتأنتِك
طب أعمل أيه وحشنى
وماليش غِنَى عنك
والحجر هنابردُه خنِقنى
وحرمنى كمان منك إمتى هيخلص الكابوس
دا وأقدر أرجعلك
ياروحى إنتى كمان
وحشانى
ومحروم كمان منك
وخايف عليكى
ومن العدوى شايل همك
إ بعدى عن كل الناس
وأغسلى بصابون
وبُوتاس
وأى حاجه تمسكيها
رشى عليها كولونيا
ودلكيهابكريم أساس
علشان دا ميكروب
خطيرأوى وحساس
وإسلِّى وإقرٍى للمُتنبِى
وابُونواس
ولماتنامى إقفٍلى عليكى
كويس بالتِرباس
طيب ياحبيبى كلمنى
عالتليفون
معقوله عليك أهُون
تهونى إزاى ياحياتى
وانا ليا مين غيرك
يسعد أوقاتى
هكلمك والله لِيلاتى
بس أنتى خلى بالك
واشربى حٍلبه وينسون
واوعى تاكلى جيلاتى
طيب ياحبيى إبعتلى
فلوس
علشان أشوف
إحتياجاتى
والله كان على عينى
ياحياتى
الدنيا واقفه وأديكى
شايفه زى حالاتى
وكل واحدعايش لوحده
فى معتقل وعمال يِهاتى
لوتقدرى تبعتيلى إنتى يبقى كتَّرخيرك ياحياتى
وصدقينى بكره لماتفرج
هبعتلك فلوس يوماتى
إستحملينى يامراتى
قفلت السماعه فى وشه
وقالت أعمل أييييييببه
يااخواااااااااااااااااتى
منك لله ياكورونا
لخبطتيلى حياتى
بقلمى.محمدابوالحسن
Commentaires
Enregistrer un commentaire